Қыздар арасындағы волейболдан іріктеу жарысы өтті

Тәуелсіздігіміздің 30 жылдығы және Қажымұқан Мұңайтпасұлының 150 жылдық мерейтойына орай Жамбыл облысы, Т.Рысқұлов ауданы әкімдігі дене шынықтыру және спорт бөлімінің ұйымдастыруымен қыркүйек айының 25 жұлдызы күні Құлан ауылындағы спортттық сауықтыру кешенінде 2005-2007 жылдары туылған жасөспірім қыздар арасында жазғы ойындар волейболдан аудандық іріктеу жарысы өтті,-деп хабарлайды «Jambyl-Taraz» ақпарат агенттігі.

Жарысқа аймақтардан іріктеліп 8 команда құрама қатысып, 70-тен аса жас спортшылар өзара бақ сынады.
Сайыс барысында қатысушылар өздерінің шеберліктерін дәлелдеп, тартысқа толы ойын өрнегін көрсетті.
Жарыс нәтижесінде l орынды А.Байтұрсынов атындағы мектебі, ll-орынды №1 лицей мектебі және lll-орынды №5 шағын орталықты орта мектебі иеленді.

Жарыстың жеңімпаздары мен жүлдегерлері аудандық дене шынықтыру және спорт бөлімінің дайындаған түрлі дәрежедегі медальдармен, дипломдармен және бағалы сыйлықтармен марапатталды.
Алдағы уақытта чемпион атанған команда облыстық жарыста ауданымыздың намысын қорғайтын болады.