Қаратау қаласында спорт алаңшасы пайдалануға берілді
Талас ауданының орталығы Қаратау қаласында спорт және стритворкаут алаңшасы пайдалануға берілді. Салтанатты шараға қатысқан аудан әкімі Нұрбол Жүнісбеков қала тұрғындарын, жастарды жаңа спорт нысанының пайдалануға берілуімен құттықтап, ізгі тілегін білдірді. Сондай-ақ спортты жанына серік еткен жастарға ойынға қажетті сыйлықтар тарту етті.
Өз кезегінде аула тұрғындары ақ баталарын беріп, ризашылықтарын жеткізді. Қаратау қаласы, А.Ақшораев көшесі, №1 үйдің ауласында пайдалануға берілген футбол мен стритворкаут алаңшасынан бөлек, балалар ойнауға қажетті өзгеде жабдықтар орнатылған.
