Сыбайлас жемқорлыққа қарсы үгіт – насихат штабы жұмыс жасауда
Жамбыл облысында жемқорлыққа қарсы мәдениетті қалыптастыру мақсатында Департамент жанындағы сыбайлас жемқорлыққа қарсы үгіт – насихат штабы жұмыс жасайды,-деп хабарлайды «Jambyl-Taraz» ақпарат агенттігі.
Штаб құрамы облыстағы зиялы қауым өкілдері және жастар арасындағы көш басшылар қатарынан құрылған, сондай-ақ, аталған азаматтар ерікті түрде сыбалас жемқорлықты алдын алуға өз септігін тигізуде.
Ағымдағы жылғы мерзімде штаб мүшелерімен сыбайлас жемқорлыққа қарсы мәдениетті қалыптастыруға байланысты 250 аса іс-шара ұйымдастырылған.
Ал, «Парасат жолы» жобасы аясында Жамбыл облысында мәдениет өкілдері мен бұқаралық ақпарат құралдары өкілдерінің қатысуымен жалпы саны 380-дан астам ағартушылық іс-шара ұйымдастырылды. Бүгінгі күнге облыс бойынша 274 кітапханаларда «Парасат жолы» орталықтары ашылған.
