Павлодарда лак-бояу өнімдері қоймасында алапат өрт болды (видео)
Түрлі бояулар мен лак өнімдері жасалып, ұзақ мерзімге сақталатын қоймадан өрт шықты. Ауданы 432 шаршы метрді құрайтын лак-бояу материалдарын шығаратын алты металл реакторы қызыл жалынға оранған, деп хабарлайды «Jambyl-Taraz» ақпарат агенттігі Exspress Qazaqstan сайтына сілтеме жасап.
Северная промзона көшесі 53 үй мен «Лакра» ЖШС орналасқан лак-бояу материалдарын дайындайтын және сақтайтын жеке қоймада өрт шықты, деп мәлімдеді Павлодар облыстық ТЖД баспасөз қызметі.
Сағат 00:05-те өрт сөндірілді. Оқиға орнына Павлодар облысының ТЖД 41 қызметкер мен 9 техникасы, «ПОЧЗ» ЖШС-нен бес жұмысшы мен бір техника және Апаттар медицинасы орталығынан төрт жұмысшы мен бір техника жұмылдырылды,
Кісі өлімі мен зардап шеккендер жоқ. Қазір өрттің шығу себебі мен келтірілген шығын көлемі анықталу үстінде.
