«Қанға боялып жатты, кішкентай бала әлі дем алып жатқан»: Алматыдағы қайғылы оқиға туралы куәгер айтып берді

Алматы қаласындағы әйелдің үш баласымен бірге секіріп кеткен қайғылы оқиға туралы куәгер айтып берді, деп хабарлайды «Jambyl-Taraz» ақпарат агенттігі Stan.kz сайтына сілтеме жасап.

«Дауыстарды естідім. Сегізінші қабаттағы әйел айқайлап: «Не істеп жатсыңдар, не лақтырып жатсыңдар», – деді. Қыз жүгіріп келіп шыңғырып жіберді, одан кейін ер адам келді, оның соңынан мен келіп осының барлығын көрдім», – дейді өзін Владимир деп таныстырған куәгер.

Оның айтуынша, көп қан болған, әйел мен балалар ет бетімен құлап жатқан.

«Балалар жатыр, кішкентай бала әлі демалып жатқан еді, мен жедел жәрдем шақыру керектігін айттым. Барлығы қоңырау шала бастады. Жедел жәрдем келді. Содан соң мен кетіп қалдым. Олардың құлаған кезін көрмедім, көзім нашар көретіндіктен, бірнәрсенің ұшып бара жатқанын ғана аңғардым», – дейді Владимир.

Ол әйелді әдетте балаларымен ойын алаңында серуендеп жүрген кезінде көретіндігін қосып өтті. Куәгердің сөзінше, отбасы көпқабатты үйде бір бөлмелі пәтерді жалдап тұрған.

Қайғылы оқиға Жетісу-1 шағын ауданында болған. Қалалық полиция департаментінің мәліметінше, өз өзіне қол жұмсаған әйел 28 жаста. Анасымен қоса оның 2015, 2016 және 2019 жылы туған үш баласы да бірге құлаған. Әйел мен екі баласы оқиға орнында қаза тапқан. Балалардың үлкені ауруханаға жетер жолда жантәсілім еткен.