«Я вам не пешка»: Ұлттық кітапхана басшысының қызметкерін жұлқығаны көрсетілген видео тарады

Әлеуметтік желіде ҚР Ұлттық академиялық кітапханасының директоры, педагогика ғылымдарының докторы, профессор Үмітхан Мұңалбаеваның кітапхана қызметкеріне зекіп сөйлеп, жұлқығаны көрсетілген видео тарады, деп хабарлайды «Jambyl-Taraz» ақпарат агенттігі kznews.kz сайтына сілтеме жасап.

Бұл туралы Продюсер Серік Абас-шах Facebook парақшасында жариялады.

«АУЫЛ ШОПЫРЫНЫҢ СҰРАҒЫ:

Қарамағындағы қызметкерді жұрттың көзінше жұлқылап (сілкілеп) қорлап жатқан басшыбике(сымақ) кім деп ойлайсыз?

ЖАУАП НҰСҚАЛАРЫ:

1. Шыңжаңдағы “қайта тәрбиелеу» лагерінің орыс тілді “надзирательі”
2. Бас қала маңындағы “колония-поселение-нің” әпербақан басшысы,
3. Мемлекеттік мекеменің психикалық ауытқушылығы анықталмаған директоры,
4. “Суға салса батпайтын, отқа салса жанбайтын”, антикордан қорықпайтын апашка,
5. Арыстанбек Мұхамедиұлымен арадағы (сыйластық) жақындықты асыра пайдаланатын жұлқыма мінез(ді) атқамінербике,
6. Мырзатай Жолдасбеков сияқты жағымпаз емес аташка мен Ермек Аманшаев секілді атқамінер ағашкалардың “рухани” қолдауын пайдаланып, өзі басқаратын мекемеде “білген ботқасын жеп жүрген” директорсымақ,
7. Ұлттық академиялық кітапханасының зейнетке шыққысы келмейтін басшысы Үмітхан Мұналбаева,
8. …сіздің нұсқаңыз?», — деп жазды ол.