Талғар балабақшасында төрт жасар қыз моншаққа тұншығып қайтыс болды
Талғарда төрт жасар қыз балабақшада пластикалық шарға қақалып, қайтыс болды,-деп хабарлайды «Jambyl-Taraz» ақпарат агенттігі Nege.kz сайтына сілтеме жасап.
Алматы, NEGE. Жазатайым оқиға 26 қарашада Талғар балабақшаларының бірінде болды. Оқиға туралы ақпарат әлеуметтік желілерде жарияланды.
Бүлдіршіннің өліміне қатысты қылмыстық іс қозғалды.
«Сот-медициналық сараптама жүргізу кезінде баланың тамағынан қатты пластмасс зат (шар) табылды. Соталды тергеп-тексеру ҚР ҚК 141-бабы 2-бөлігі (Абайсызда жас баланың өліміне әкеп соққан іс-әрекет) бойынша жүріп жатыр. Тергеу бақылауға алынды», – деді облыстың Полиция департаменті өкілдері.
