Төрт тілде сөйлеп, жазуды білетін екі жасар вундеркинд бала әлемді аузына қаратты (фото, видео)
Лондонда тұратын екі жасар Исайя Гьямфи есімді ұл бала төрт тілде сөйлеп, жаза білуінің арқасында әлем жұртшылығының ерекше назарына ілікті,- деп хабарлайды «Jambyl-Taraz» ақпарат агенттігі Nur.kz сайтына сілтеме жасап.
Шетел басылымының ақпаратына сенсек, 30 жастағы Жазель Андерсон ұлы Гьямфидің ерекше ақылды екенін бес айлығында-ақ байқаған.
Бүгінде екі жасар балақай ағылшын, испан, француз, жапон тілдерінде сөйлеп, тіпті жазуды да біледі.
Посмотреть эту публикацию в Instagram
Одан бөлек, бүлдіршін 100-ге дейін санай алады әрі көбейту таблицасын жаттап алған. Анасының айтуынша, ұлы жапон тілінде 40-қа дейін санауды небәрі бір тәулік ішінде үйреніп алған. Баласының білімге ерекше құштарлығын байқаған анасы төрт айлығында-ақ ұлының бөлмесін әріптер мен сандардың суретіне толтырғанын жасырмайды. Сегіз айлығында баласы әріп танып, анасы сұраған әріпті көрсете бастайды.
Посмотреть эту публикацию в Instagram
Балақай, тіпті әлем елдері мен олардың туларын да жаттауға кіріскен. Жазель ұлының жетістіктерімен бөлісу үшін оған Instagram парақша ашып қойған. Ол ұлы білім алып, тілдерді меңгеруді ерекше ұнататынын және баласын ешуақытта тіл үйренуге күштеп көрмегенін алға тартты. Айтуынша, ұлы үшін сабақ оқу ойынның бір түріне айналған және ол жаңа дүниені үйренген сайын өзін ерекше бақытты сезінеді.
Посмотреть эту публикацию в Instagram
Посмотреть эту публикацию в Instagram
Посмотреть эту публикацию в Instagram
«Балам бақытты болса, мен де бақыттымын», – дейді анасы. Еске салсақ, бұған дейін Бельгияда 11 жасар Лоран Симонс Антверпен университетін физика мамандығы бойынша аяқтағанын жазған болатынбыз. Одан бөлек, қазақстандық «вундеркинд» бала атанған 16 жастағы Абзал Мыраш АҚШ-тың Нотр-Дам университетінің компьютерлік ғылым және инженерия факультетінің магистратурасына түскенін жазған едік.
