Түркістан облысында оқушылардың ноутбугіне бөлінген 2,5 миллиард теңге жымқырылған
Түркістан облысында оқушылардың ноутбугіне бөлінген 2,5 миллиард теңгеден астам қаражат жымқырылғаны анықталды, деп хабарлайды «Jambyl-Taraz» ақпарат агенттігі turkystan.kz сайтына сілтеме жасап.
Мемлекет «2020-2025 жылдарға арналған Қазақстанның Білім және ғылымын дамыту» бағдарламасы аясында коронавирус пандемиясы кезінде оқушыларды қашықтықтан оқыту үшін ноутбуктер сатып алуға ақшалай қаражат бөлді.
«МТ-Сервис» ЖШС директоры Түркістан облысы әкімдігінің «адам әлеуетін дамыту басқармасы» ММ-мен жалпы сомасы 3,4 миллиард теңгеден асатын 21 мың ноутбук жеткізуге келісімшарт жасады. Бұл ретте 2,5 миллиард теңгеден астам сомаға жеткізілген тауарлар Тапсырыс берушінің техникалық ерекшеліктеріне сәйкес келмеді», – деп жазылған хабарламада.
«МТ-Сервис» ЖШС басшысы мен облыс әкімдігінің адами әлеуетті дамыту басқармасының лауазымды тұлғаларына қатысты бюджет қаражатын жымқыру фактісі бойынша қылмыстық іс тергеліп жатыр.
