Рекорд! Беташар табағына 55 млн теңгені кімдер салды?

Беташар табағына миллиондап ақша салған жігіттердің әрекеті әлеуметтік желіні шулатты. Ең алдымен, хайп-беташардың видеосын блогер Dauletten инстаграмдағы парақшасында жариялады. Кейін фейсбук желісінде де бірнеше блогер видеоны жариялады,-деп хабарлайды «Jambyl-Taraz» ақпарат агенттігі aikyn.kz сайтына сілтеме жасап.

Тойдың қай өңірде және қашан болғаны белгісіз. Беташар табағына адамдардың әрқайсысы 500 мыңнан бастап бір жарым миллион теңгеге дейін ақша салған. Мұндай әрекет тойға жиылған көпшілікпен қатар әлеуметтік желі қолданушыларын таңғалдарды.

Бейнежазбаға пікір қалдырушылар беташардан жиналған қаражатқа Алматы не Нұр-Сұлтан қаласынан 3-4 бөлмелі пәтер сатып алуға болатынын айтты.