«Путин үшін соғысуға барайық»: теміртаулық әйел қазақстандықтарға үндеу жасады (ВИДЕО)
Әлеуметтік желіде «Путин үшін соғысуға дайын» әйелдің бейнежазбасы тарады. Бұған наразылық білдіргендер құзырлы орындардан тиісті шара қолдануды талап етіп отыр деп хабарлады turkystan.kz.
«Әлеуметтік желілерге мониторинг жасау барысында белгісіз азаматшаның «Хватит хаить Путина, пойдем за Путина воевать» деген атаумен бейнежазбасы анықталды. Аталған факт полицияда тіркелді. Полиция қызметкерлерімен жүргізілген іс-шаралар барысында 42 жастағы Теміртау қаласының тұрғыны анықталды. Қазіргі уақытта бейнежазба бойынша тиісті сараптамалар тағайындалды. Қорытындысы бойынша нақты процессуалдық шешім қабылданатын болады», – деген жауап берілді полициядан.
