Павлодарда жантүршігерлік жол апатынан екі адам қаза тапты (ВИДЕО)

Павлодар облысы Аққулы ауданында жантүршігерлік жол апатынан екі адам қаза тауып, бір адам ауруханаға түсті деп жазды «Jambyl-Taraz» ақпарат агенттігі turkystan.kz сайтына сілтеме жасап.

26 ақпанда сағат 10.00-де Аққулы ауданы Тілектес ауылының жанында «Павлодар-Аққулы» автожолының 55-шақырымында ВАЗ 21015 автокөлігінің 44 жастағы жүргізушісі рөлге ие бола алмай, Toyota camry автокөлігімен соқтығысқан. Жол апаты салдарынан ВАЗ 21015 автокөлігінің екі жолаушысы алған жарақатынан оқиға орнында көз жұмды. Toyota campy  көлігінің 30 жастағы жүргізушісі ауруханаға жеткізілді. Полиция жол-көлік оқиғасы фактісі бойынша тексеру басталғанын хабарлады.