Әнші Бүркіт: «Бейнежазбаны таратуды тоқтат! Ресей – мықты ел» (ФОТО, ВИДЕО)

Белгілі әнші Бүркіт әлеуметтік желіде Ресейді қолдайтыны туралы пікір білдірді, деп хабарлады «Jambyl-Taraz» ақпарат агенттігі turkystan.kz сайтына сілтеме жасап.

Өнер иесі өз жеке ойын кәсіпкер Қайрат Құдайберген Instagram-дағы парақшасына жүктеген бейнежазбаның астына жазған. Бейнежазбада ресейлік азамат соғысты бастаған отаны үшін украин халқынан кешірім сұрап отыр.

Бүркіт осы бейнежазбаның кең таралуына қарсылық танытқан.

«Қайрат, бейнежазбаны таратуды тоқтат! Ресей – мықты ел. Әр елдің өз ақиқаты бар. Мәселені тереңірек қарау керек», – деп жазды әнші.