Құнды құжаттың басым бағыттары түсіндірілді

  Бүгін облыстық көпбейінді ауруханада Мемлекет басшысының биылғы «Халық бірлігі және жүйелі реформалар – ел өркендеуінің берік негізі» атты Жолдауын халық арасында насихаттау бойынша ақпараттық-түсіндіру тобы медицина қызметкерлерімен кездесу өткізді,-деп хабарлайды «Jambyl-Taraz» ақпарат агенттігі.

Қалалық мәслихат хатшысы Батырбек Құлекеев, облыстық мәслихат депутаты Қайрат Жетібаев, Халықаралық Тараз инновациялық институтының проректоры Серік Тәжібаев, «Тараз қаласының өзбек орталығы» қоғамдық бірлестігінің төрағасы Абдурахман Зайнутдинов және бірыңғай жинақтаушы зейнетақы қорының Жамбыл облыстық филиалының бас маманы Асылбек Ошанов қатысқан басқосу барысында құнды құжаттың басым бағыттары кеңінен сөз болды.

Ақ халатты абзал жандар да өз кезегінде Жолдаудың ел медицинасына ерекше серпін бергенін баса атап өтті.