Маңғыстау облысындағы газ бағасына қатысты «Qazaq Oil» мен «ҚазМұнайГаз» мәлімдеме жасады
Qazaq Oil және «ҚазМұнайГаз» ЖМҚС ірі желілері Маңғыстау облысындағы сұйытылған газға қатысты мәлімдеме жасады, деп хабарлайды «Jambyl-Taraz» ақпарат агенттігі Stan.kz сайтына сілтеме жасап.
Желілер өз кезегінде сыртқы факторларға байланысты өңірде болған сұйытылған газ құнының өсуінен кейін Qazaq Oil ЖМҚС желісіндегі отын құны 65 теңге, ал Жаңаөзенде – 79 теңге деңгейінде сақталды деп атап өтті.
«Сұйытылған газға сұраныстың күрт өсуіне қарамастан, Qazaq Oil белгіленген баға шеңберінде газды талондар мен отын карталары бойынша сата отырып, корпоративтік клиенттер алдындағы өз міндеттемелерін толық орындауға міндеттенеді. Қорлардың шектеулі болуына байланысты жеке тұлғаларға отын беруге лимиттер енгізілуі мүмкін», – деп мәлімдеді ЖМҚС желісінде.
Бұдан басқа, компанияның деректері бойынша Энергетика министрлігі мәлімдеген литріне 85 – 90 теңге баға дәлізі шеңберінде отынның қосымша көлемін қосымша жеткізу және 2022 жылғы 10 – 12 қаңтардан кейін сұйытылған газды босатуды шектеусіз қайта бастау күтілуде.
