«Кабель байлап, көлікпен қиратқан»: Алматыда қару-жарақ дүкенін тонауға қатысқан ер адам ұсталды

Алматыда 5 қаңтарда қару-жарақ дүкенін тонауға қатысқан ер адам ұсталды, деп хабарлады «Jambyl-Taraz» ақпарат агенттігі Stan.kz сайтына сілтеме жасап.

С. есімді азамат дүкеннің есіктеріне орнатылған торды сындыру үшін кабельді «ВАЗ-2114» автокөлігіне байлап, қиратқан.

«Заңсыз әрекеттерінің нәтижесінде күдікті екі тегіс ұңғылы және екі винтовкалы мылтықты қолды қылған. Қазіргі уақытта оның да тәртіпсіздіктерге және қарулы шабуылдарға қатысуы тексерілуде. Сол күні бір уақытта Қалада жеті қару-жарақ қоймасы тәркіленді, нәтижесінде қылмыскерлер 1347 қаруды, оның ішінде 501 винтовканы, 807 тегіс ұңғылы және 39 газ-травматикалық қаруды, сондай-ақ оқ-дәрілерді ұрлап кеткен», – деді Алматы қаласы полиция департаментінің басшысының орынбасары Берік Әбілбеков.

Ұрланған қару күдіктінің үйінен табылып, тәркіленді. Ол осыған дейін де ұрлық жасағаны үшін сотталған.

«5 күні үйден шықтым, белгісіз бес адам көлігімді тоқтатып: «Жүр, аға, кеттік. Біз сізге жол көрсетеміз» деп алып кетті. Қару-жарақ дүкеніне келдік. Олар менің көлігіме кабель байлап, оны тартуды бұйырды. Терезелер мен есіктер сынған болатын. Бұл белгісіз адамдар екі пулеметті салонға, екі мылтықты жүксалғышқа лақтырған», –  деді ол.

Алматы облысында заңсыз айналымнан 180-нен астам атыс қаруы тәркіленді.