Ешкім де, ешнәрсе де ұмытылмайды
Биыл Ұлы Жеңіске 77 жыл толып отыр. 1941жылы басталған Ұлы Отан соғысы 5 жылға созылды. Еліміздің сан ғасырлық тарихында Отан алдындағы адал қызметімен ел есінде қалған батырларымыз аз емес.
Қайтпас қайсарлығымен ел есінде қалған ержүрек батырларымыз біздің өңірдеде аз емес. Осыған орай Тараз қаласының барлық аумақтарында лайықты деңгейде іс-шаралар өткен болатын.Жеңіс туы желбіреген күн аясында Ұлы Отан соғысы жылдарындағы Тараз госпиталында қаза тапқан жауынгерлерге арналған мемориалды кешеніне гүл шоқтарын қою рәсімі өткізіліп, отан үшін от кешкендерді 1 минут үнсіздікпен еске алды.
Шараға ҰОС ардагерлері мен тыл еңбеккерлері, зиялы қауым өкілдері, мемлекеттік орган мен мекеме қызметкерлері және қала жұртшылығы қатысты.
Қанша уақыт өтсе де, ұлы жеңіс жолында ерлікпен қаза тапқан, Отан үшін от кешкен батыр бабаларымыз ел есінде мәңгі сақталмақ!
