«Еңбекке жарамсыз болып қалуым мүмкін»: Жұмыста жүріп зардап шеккен Шымкент тұрғыны өтемақы ала алмай жүр

Шымкентте жас жігіт өзінің жарақатына жұмыс беруші кінәлі екенін дәлелдей алмай келеді. Ерболат Ескендіровтың жұмыс барысында цистерна жанған кезде денесінің 25%-ын күйік шалған. Бұл өткен жылдың қыркүйегінде болған жағдай. Бірақ ер адам әлі қалпына келмеген. Ол химиялық заттарды құюшы ретінде жұмыс істеген екен. Бұл туралы «Jambyl-Taraz» ақпарат агенттігі Stan.kz  сайтына сілтеме беріп хабарлайды.

Өткен жылдың қыркүйек айында кәсіпорында жанармай құйылған цистерна жанып, ер адам аман қалып, бірақ денесінің төрттен бір бөлігі күйіп қалған. Ерболат бір ай ауруханада жатса да, әлі қалпына келген жоқ, ер адам әлі жұмыс істей алмайды.

“Қолым бүгілмейді. Күйіктен кейінгі жаралар қалыпқа келмеді, бірақ қолым мені тыңдамайды. Менің қазіргі қалауым қолымды емдеу. Маған жұмыс істеп, ақша табу керек. Болашақта үйленіп, отбасын асырау керек болады. Мен пайдасыз болып қаламын ба деп қорқамын”, – дейді Сайрам ауданының тұрғыны Ерболат Ескендіров.

Жәбірленушінің анасының айтуынша, жұмыс беруші емделуге көмектесудің орнына, істі жабуға тырысқан. Гүлшат Айқашева ұлының өмірінің соңына дейін еңбекке жарамсыз болып қалуы мүмкін деп алаңдайды.

“Бір жігіт келіп, Алматыдан екенін айтты. Ол 150 мың теңге ұсынып, ұлыңыздың жалақысы деді. Мұны түскі асқа, дәрігерге және жақпа май сатып алуға деді. Мен оған: «Бізге ақша керек емес, ұлыма ота жасап беріңіздер» дедім. Ол «біз сізге көмектеспейміз, не істесеңіз, соны істеңіз» деді”, – дейді анасы Гүлшат Айқашова.

Еңбек инспекциясы Ерболаттың жарақатына оның өзі де, жұмыс беруші де бірдей кінәлі деген қорытындыға келді. Ол қауіпсіздік техникасымен танысқаны туралы қағазға қол қойған. Демек қауіпті жұмыстан бас тартуы керек еді, бірақ олай жасамаған.

“Ол сөзбен түсіндіргенін, бірақ тексеру барысында құжат жүзінде ештеңе анықталмағанын айтты”, – дейді Түркістан облысы бойынша травматизм бөлімінің басшысы Асқар Сейітқазин.

Ауызша келісім жеткіліксіз екені белгілі болды. Сонымен қатар, зауыт жұмысшылары арнайы киіммен қамтамасыз етілмегені анықталды. Мұны кәсіпорын директорының өзі айтты.

“Бізде арнайы киім болмағаны біздің кінәміз. Біздің қызметкерлер уақытылы қамтамасыз етілмеген”, – деді «Әлем мұнай инвест» ЖШС директоры Архабай Туғанбеков.

Жұмыс беруші Ерболаттың жұмыс орнын сақтап қалғанын және емделуге көмектесуге дайын екенін хабарлады.

Алайда ер адамның өзі әлі ешқандай көмек жоқ екенін және еңбекке қабілеттілігін қалпына келтіру үшін операция жасау керек екенін айтады. Қазақстанда өндірістегі жарақаттар Еуропаға қарағанда үш есе жиі кездеседі. Сондай-ақ, өтемақыға қол жеткізу қиын. Қауіпсіздік техникасын сақтамау салдарынан жыл сайын республикада 200-ге жуық адам қайтыс болады екен.