«Дәрі ішіп алған»: 26 жастағы алматылық әйел тұрғын үйдің бесінші қабатынан секіріп кетті

Алматыдағы үш баласымен бірге секіріп кеткен Жетісу-1 шағын ауданында тағы бір оқиға орын алды. Бұл жолы 26 жастағы әйел дәрі ішіп алып, бесінші қабаттан секіріп кеткен, деп хабарлайды «Jambyl-Taraz» ақпарат агенттігі Stan.kz сайтына сілтеме жасап.

Алматы полициясы 1995 жылы туған әйелге қатысты өз-өзіне қол жұмсау фактісін растады.

Өмірімен қоштасу үшін әйел алдымен дәрі ішіп алған. Ол өзін уландырғаннан кейін пәтердің 5-қабаттағы терезесінен секіріп кеткен.

Әйелдің өзін-өзі өлтірмек болғанының алдын ала себебі – жұбайымен ажырасуы болуы мүмкін. Басқа деректер анықталуда. Тергеу ҚР ҚК-нің 105-бабы «Өзін-өзі өлтіруге дейін жеткізу» бойынша жүргізілуде.

5-қабаттан құлағаннан кейін оның тірі қалғаны анықталды. Алматы қоғамдық денсаулық басқармасы оның жағдайы жөнінде пікір білдірді.

«Жағдайы ауыр. Есін біледі. Қарқынды терапия анестезиология, реанимация және қарқынды терапия бөлімінде жалғасуда», – деп хабарлады ведомстводан.

Еске салсақ, 2 желтоқсанда Алматыда жасөспірім қыз өз-өзіне қол жұмсап, 12-қабаттан секірген еді.

Бұған дейін «Жетісу» ықшам ауданында көпқабатты үйлердің бірінде әйел алдымен үш баласын лақтырып, кейін өзі 9-қабаттан секіріп кеткен болатын. Әйел мен екі баласы оқиға орнында көз жұмса, тағы бір бала жедел жәрдем көлігінде қайтыс болған.