«Біз бәріміз қазақпыз!» – қазақстандық орыстар (ВИДЕО)

Желіде қазақстандық орыстар Украинадағы соғысқа қарсы бейнеүндеу жолдады деп хабарлады «Jambyl-Taraz» ақпарат агенттігі turkystan.kz сайтына сілтеме жасап.

Олар үндеуді «Ассалаумағалейкүм, құрметті қазақ елі!» деп бастап, әрі қарай осындай қиын жағдайда шетте қала алмағандарын, сондықтан ұлты, түріне қарамай, барлық елдерге бейбіт өмір мен достық тілейтіндерін айтты.

«Біз бәріміз Қазақстанда тұрамыз. Қазақстанда біз – қазақпыз! Сондықтан біз бір-бірімізбен ұрыспай, достықта жүре берейікші. Бейбітшілік орнасын, соғыс болмасын, достығымыз ешқашан ажырамасын! Сүйіспеншілікпен, өзіміздің орыстар!» – деді олар.