Балаларға қол көтерген тәрбиешіге қатысты тергеу басталды
Әлеуметтік желілерде балабақша тәрбиешісі балаларға қол көтергені туралы видео пайда болды, деп хабарлайды «Jambyl-Taraz» ақпарат агенттігі Egemen.kz. сайтына сілтеме жасап.
Аталған факт ҚР ҚК 140-бабы 2-бөлігі бойынша сотқа дейінгі тергеп-тексерудің бірыңғай тізілімінде тіркелген.
Қылмыстық іс материалдары Жетісу аудандық ПБ өндірісінде.
«Тергеу аясында өрескел фактілердің мән-жайлары міндетті түрде зерттеліп, тәрбиешінің іс-әрекеттеріне құқықтық баға беріледі, соған сәйкес ол жауап береді», деп хабарлады Алматы ПД баспасөз қызметі.
