Бүгін ауа райы қандай болады?

«Қазгидромет» РМК-сы шілденің 7-сі күнгі ауа райы болжамын жариялады деп хабарлады turkystan.kz.

Кәсіпорын таратқан деректерге қарағанда, іс жүзінде Қазақстанның бүкіл аумағына әлі де оңтүстік циклон және онымен байланысты атмосфералық фронталды бөліктер ықпал етіп келеді. Соның алдарынан елдің басым бөлігінде жаңбыр жауады.

Солтүстікте, оңтүстік – шығыста нөсер жауын, бұршақ жауады, найзағай ойнап,  жел күшейіп, дауыл тұрады. Оңтүстікте шаңды дауыл тұрады, солтүстікте түнде және таңертең тұман түседі. Ақмола облысының оңтүстігінде, шығысында, Алматы облысының оңтүстігінде, таулы аудандарында нөсер жауын жауады.

Қызылорда облысының басым бөлігінде, батысында, Абай облысының орталығында, солтүстігінде, Түркістан облысының шөлді аудандарында, Ұлытаудың оңтүстік-батысында, Қарағанды облысының оңтүстік-шығысында, Жамбыл облысының оңтүстігінде, Алматы облысының батысында төтенше өрт қаупі сақталады.

Нұр-Сұлтанда көшпелі бұлт жүріп, таңертең және күндіз  нөсер жаңбыр жауады, найзағай ойнайды. Күндіз бұршақ жауады. Солтүстік-шығыстан жел соғады, күші 9-14 м/с. Ауа температурасы түнде 13-15, күндіз 21-23 градус жылы болады.

Алматыда көшпелі бұлт, күндіз жаңбыр жауып, найзағай ойнайды. Солтүстік-шығыстан жылдамдығы секундына 2-7 метр жел соғады, найзағай кезінде екпіні 13 м/с-ке жетеді. Ауа температурасы түнде 18-20, күндіз 28-30 градус жылы болады. Шымкентте көшпелі бұлт, жауын-шашынсыз.

Батыстан жел соғады, күші 8-13 м/с. Ауа температурасы түнде 17-19, күндіз 29-31 градус жылы болады.