Бүгін арнайы операцияны қолдап жүргендер кейін қатты өкінетін болады – Ресей депутаты Митрохин
РФ Мәскеу қалалық думасының депутаты Сергей Митрохин Ресейдің Украинаға қарсы жүргізіп жатқан арнайы операциясына тоқталып, «бүгін арнайы операцияны қолдап жүргендер кейін қатты өкінетін болады», – деп пікір білдірді. Бұл туралы «Адырна» ұлттық порталы жазады.
«Құрметті әріптестер! Аз ғана уақыт өтеді және бүгін арнайы операцияны қолдап жүргендер кейін қатты өкінетін болады. Себебі бұл арнайы операция ол жақта осыдан 8 жыл бұрын пайда болған құрбандарға қарағанда жүздеген, тіпті мыңдаған адам өмірін алып кетеді. Оның үстіне екі жақтан да құрбан болғандар болды, бірақ қандай да бір себептермен олар бұл туралы үндемейді және Украинаның шығысындағы сепаратистерге біздің мемлекет қолдау көрсеткені де жасырылды. Бұл жайында да үндемейді. Сондықтан кімдікі дұрыс, кім кінәлі екенін біз әлі ұзақ уақыт бойы анықтаймыз», – деді Митрохин.
