Қаза тапқан кеншілер шахтадан шығуға тырысқанымен үлгермеген (видео)
Қарағанды облысындағы «Абай» шахтасында болған төтенше жағдайға ең алғашқы болып құтқарушылар түседі. Осыған орай Express Qazaqstan тілшісі кәсіби әскерилендірілген авариялық-құтқару қызметтерінің республикалық орталық штабының Қарағанды филиалының директоры Геннадий Силинский сұхбат берген еді.
Алдын ала болжам бойынша, кен орнында көмір мен газдың, яғни метанның деңгейі шамадан тыс көтеріліп кеткен. Кеншілер қолдарында бар құрал-саймандармен құтылуға тырысқан.
«Өзін-өзі құтқару» дейтін әрекет болады. Кеншілер шахтадан өздері шығуға тырысқан… Олар арнайы киімді кимек болғаны көрініп тұр. Шамасы, оқиға барынша тез болған,
Шахталарда жиі кездесетін осындай қайғылы оқиғалар себептерінің бірі — көмір мен газдың атылуы. Маманның айтуынша, метанның кенжардың қай бөлігіне жиналып қалғанын болжау қиын. Сондықтан оны бомбамен салыстыруға болады.
Негізі осындай газ жиналып қалған орындарды табу қиын. Олар шахтаның бүйірінде, төмен немесе жоғары жағында болуы мүмкін. Ал ол жарылған кезде қираған көмірі бар газ оттегіні шығарып тастайды да, адамдар уланып қалады,
Express Qazaqstan бұған дейін Қарағанды облысында шахтада газдан уланып алты адам қаза тақанын және қайтыс болған кеншілердің отбасына 10 жылдық еңбекақы төленетіні жазған едік.
