Қазақстандық сериал АҚШ-та бірден екі марапатқа ие болды

Қазақстандық «Сержан Братан» сериалы АҚШ-тағы Stareable Fest LA фестивалінде екі марапатқа ие болды деп хабарлады turkystan.kz Salem Social Media компаниясына сілтеме жасап.

«Бірден екі Stareable Fest la марапаты! Рэкетир туралы хикая «Best Drama» және «Best in Directing» бойынша үздік деп танылды. Осы жобаны жарыққа шығаруға атсалысқандардың бәріне алғыс білдіреміз! Әрине, көрермендерге рақмет!», –  деді фильм авторлары.

Сериал 2021 жылы шыққан. Жанры – криминал драма, комедия. Режиссері – Әлішер Утев, сценарийін Сергей Литвченкомен бірге жазған. Туынды былтыр Aitube видеохостингіндегі ең үздік сериал атанған.