Автобус айдап келе жатқан жүргізуші талып қалып, ауруханаға жетісімен көз жұмды
Шаһардың орталық көшелерінің бірінде жолаушы тасымалдап келе жатқан автобус жүргізушісінің денсаулығы кенеттен сыр берген, деп хабарлайды Экспресс К.
Алматы маңындағы «Водник» ықшамауданында күтпеген оқиға болды. Экспресс К редакциясының Newscorr азаматтық журналистика сервистік қызметіне жолданған видеодан, ес-түссіз жатқан жүргізушіні жедел жәрдемнің қызметкерлері сыртқа шығарып жатқанын көруге болады.
Куәгерлердің айтуынша көлік апаты болмаған. Жүргізуші аялдамаға тоқтаған кезде денсаулығы сыр беріп, ес-түсін жоғалтқан.
Бұл оқиға жөнінде Экспресс К Алматы қалалық ПД сауал жэжодлдаған болатын. Полицияның ресми мәліметі бойынша жедел жәрдем қызметкерлері жүргізушіні ауруханаға жеткізіп үлгергенімен ол сол жерден, бірден жан тапсырған.
