Алматыда төлем терминалынан ақша ұрлаған күдіктілер ұсталды
Алматыда төлем терминалын бұзып, ақша ұрлаған күдіктілер ұсталды, деп хабарлайды Экспресс К Polisia.kz сайтына сілтеме жасап.
Үш адам Райымбек даңғылындағы дәріханалардың бірінің ішінде орналасқан терминалды бұзып, 1 миллион 725 мың теңге көлеміндегі ақшаны жымқырған.
Жедел-іздестіру іс-шаралары барысында аталған қылмысқа қатысы бар үш азамат ұсталды. Олар 1975, 1986 және 1982 жылы дүниеге келген. Күдіктілер қылмысын мойындады. Заттай айғақтар тәркіленді. Қылмыстық іс ҚР ҚК-нің 188-бабы 3-бөлігі бойынша қозғалды, — деді Жетісу аудандық ПБ бастығының орынбасары.
Күдіктілердің осыған ұқсас қылмыстарға қатыстылығын анықтау мақсатында жедел-іздестіру шаралары жүргізілуде.
