Алматы әуежайына Қонаевтың есімін беру ұсынылды
Мәжілістің жалпы отырысында депутаттар Дінмұхамед Қонаевтың есімін Алматы қаласының әуежайына беру мәселесін көтерді деп хабарлады turkystan.kz.
«Алматы тұрғындарының, сондай-ақ Президенттің Қапшағай атауын өзгерту бойынша ұсынысын қолдай отырып, Үкіметке Алматы халықаралық әуежайына Дінмұхамед Қонаевтың есімін беру мәселесін қарастырып, шешуді ұсынамыз», – деді депутат Ерлан Смайылов.
Депутаттар осы мәселеге қатысты депутаттық сауалды Премьер-министрдің орынбасары Роман Склярдың атына жолдады.
Осы тұста желіде алматылықтардың әуежайға қатысты осы бастамасына арналған петиция бар. 24 наурызда жарияланған ұсынысқа қазір 52 мыңнан астам адам қол қойып үлгерген.
