Талдықорғанда уақытша тұратын баспанада жас отбасының балаларымен бірге мәйіті табылды
Марқұмдардың денелерін жергілікті тұрғындар тапқан. Алматы облысы Төтенше жағдайлар департаментінің мәліметінше, оқиға Талдықорғаннан 7 шақырым жердегі Еңбек ауылында болған. Қайтыс болған төрт адам бір отбасының мүшелері, деп хабарлайды «Jambyl-Taraz» ақпарат агенттігі Экспресс К сайтына сілтеме жасап.
Қайғылы оқиғаға нақты не себеп болғаны әзірге белгісіз.
2 ақпан күні полициядан Еңбек ауылынан төрт адамның мәйіті табылғаны туралы хабар келіп түсті. Анықталғандай, көз жұмған 4 адамның екеуі бала. Алдын ала болжам бойынша, бұл кісілер 2-3 күн бұрын қайтыс болған,
Бүтін бір отбасының өліміне не себеп болғаны әзірге белгісіз. Марқұмдардың денелері сот-медициналық сараптамаға жіберілді.
