Ақтауда 2,5 миллион теңгеге орнатылған әткеншектерді қиратып кетті
Ақтауда әлі құрылысы аяқталмаған, жаңадан орнатылған әткеншектерді бұзақылар қиратып кеткен,-деп хабарлайды «Jambyl-Taraz» ақпарат агенттігі Lada.kz сайтына сілтеме жасап.
Lada.kz-тің жазуынша, Ынтымақ алаңында бақылау камералары жұмыс істесе де, бұзақыларды полицейлер әлі таппаған.
Ал қала әкімдігі «Әткеншектердің» әлі балансқа қабылданбағанын айтты.
«Сынған әткеншектерді Clover media group ЖШС қайта қалпына келтіреді», – дейді әкімдік өкілі.
«Әткеншектер» шағын архитектуралық кешенінің құны – 2 553 441 теңге.
