Қытайдағы мұсылмандарға арналған лагерь видеоға түсіп қалды
Видеоблогер Қытайдағы мұсылмандарға арналған лагерьді видеоға түсірді. Бұл туралы «Jambyl-Taraz» ақпарат агенттігі Stan.kz сайтына сілтеме жасап хабарлайды.
Гуань Гуань лақап атын иеленген блогер өзін турист етіп көрсетіп, екі иықты сөмкесінде жасырылған камерамен Шыңжаң-Ұйғыр автономиялық ауданының 8 қаласын аралап шықты. Ол осы қалаларда Қытайдағы саны аз, қысым көрген ұлттар тұрады деп есептеген. Ол тікенді сыммен, күзет мұнараларымен және полицияның бақылау-өткізу пункттерімен қоршалған 18 лагерьді анықтады. Сондай-ақ блогер «Еңбек арқылы түзеу» деген ұран жазылған баннері бар үлкен тергеу изоляторын да түсірген. Көптеген лагерь карталарда белгіленбеген.
Наурызда жарияланған Newlines Institute аналитикалық орталығының магометанизмге қатысты мәселелерге мамандандырылған тәуелсіз баяндамасына сәйкес, Қытай Халық республикасының билігі БҰҰ-ның геноцид қылмысының алдын алу және ол үшін жазалау туралы Конвенциясының әр тыйымын бұзғаны анықталды. Шыңжаң-Ұйғыр аймағында этникалық азшылықтардың басынан өткен жағдайды оларды жоюға жасалған талпыныс деп санауға болады.
