40 жылдан кейін ақталды: Әлемге танымал жазушы өзін зорлады деп, жазықсыз адамға жала жапқан
Әлемге танымал америкалық жазушы Элис Сиболд студент кезінде зорланған. Күдікті ретінде мүлде басқа адамды көрсеткен. Салдарынан Энтони Бродуотер жазықсыз 16 жыл түрмеде отырған. Дегенмен ер адам өзін ақтауды тоқтатпады және кінәсіз екенін 40 жылдан кейін ғана дәлелдей алды, деп хабарлайды «Jambyl-Taraz» ақпарат агенттігі Stan.kz сайтына сілтеме жасап.
Америкалық жазушы Элис Сиболдтың «Lovely Bones» (Сүйкімді сүйектер) бестселлері – ХХІ ғасырдың басты әдеби хиттерінің бірі. Кітап миллиондаған тиражбен сатылып, ондаған тілге аударылды. Көршісі зорлап өлтірген 14 жасар қыздың оқиғасы – қорқынышты сюжетіне қарамастан, роман америкалық жасөспірімдер арасында өте танымал болды. Сондай-ақ әйгілі режиссер Питер Джексон кітап желісімен фильм түсірді.
Шабуыл Сиболд Сиракуз университетінің бірінші курсында оқып жүргенде болған. Осыдан кейін қыз студенттік кампустың қауіпсіздік қызметіне хабарласып, оқиға туралы айтып, полицияға арыз жазған. Сиболдтың айтуынша, қылмыскердің фотосы жасалды, бірақ студент сипаттаған адам нақты шабуылдаушыға ұқсамаған.
Бір күні Сиболд өзін зорлаушыға ұқсаған адамды көшеде кездестіріп қалған. Ол дереу полицияға жүгінді. Осылайшы Энтони Бродуотер бес айдан кейін қамауға алынды.
Полиция бөлімшесінде тану кезінде Сиболд бұл жолы мүлдем басқа адамды көрсетті, тіпті Брудуатерді де танымады. Жазушы өзінің естеліктерінде Энтони мен оның жанындағы адамның түрі бірдей деп ақталған. Ол бейтаныс жігітті көрсеткеннен кейін бірнеше минуттан соң қателескенін түсінді. Әрине, сотта жазушы Брудуатерді қылмыскер деп көрсетті.
Энтони Брудуатер өзін ақтау үшін бар күш-жігерін жұмсады және өзінің кінәсіз екенін мәлімдеді. 1982 жылы ол түрмеге қамалды. Адвокаттарының айтуынша, құқық қорған органдары америкалық азаматты 5 рет шартты түрде мерзімінен бұрын босатудан бас тартқан, өйткені ол қылмысын мойындамаған. Екі рет сәтті өткен өтірік детекторының сынақтары да көмектеспеген.
Түрмеде Бродуотер 16 жылдан астам уақыт өткізді, тіпті бостандыққа шыққаннан кейін де ер адам берілмеді: ол өзінің жақсы атын жаладан тазартуға тырысты.
Соңғы сот отырысы осы аптаның басында өтті. Нью-Йорк штатының Жоғарғы сотының судьясы Гордон Каффи 61 жастағы Бродуотерге қатысты зорлау және оған қатысты басқа да мәселелер бойынша сот үкімін жойды. Аудандық прокурор Энтониге қарсы істің өте қате жүргізілгенін мойындады.
Әділетсіз сотталған ер адамның адвокаттары сотта тергеу тек Сиболдтың сөзінің растығына және оның жеке басын анықтау кезінде таңдауына сүйенгенін мәлімдеді. Болашақ жазушының айғақтарындағы шатасушылық полицияны ойландыруы керек еді. Сонымен қатар қылмыс орнынан алынған шаштың сот-медициналық сараптамасы қате болып, кейін жарамсыз деп танылды.
Судья үкімнің күшін жою туралы шешімді оқыған кезде, 61 жастағы Брудуотер жылап жіберді. 1999 жылы түрмеден шыққаннан кейін жұмыс берушілер оны қабылдамаған. Сексуалдық зорлаушы деген жала өмір бойы афроамерикалыққа таңба болды.
“Мен ешқашан берілмеймін. Мен иығыма мұндай жүк артып өмір сүре алмадым. Мен өзімнің кінәсіз екенімді дәлелдеу үшін бар күшімді салғым келді», – деді ол.
“Мен Сиболдқа басынан өткеніне түсіністікпен қараймын. Мен оған ашуланбаймын және ол менен шын жүректен кешірім сұрайды деп үміттенемін”, – деді Энтони Бродуотер.
