Көзіне жас алды: Дима Билан Қазақстандағы тойда мас күйінде өнер көрсетті (видео)

Ресейлік әнші Дима Билан Қазақстандағы тойда мас күйінде өнер көрсетті. Оқиға орнынан видеоны блогер Біржан Әшім жариялады, деп хабарлайды «Jambyl-Taraz» ақпарат агенттігі  stan.kz сайтына сілтеме жасап.

Қонақтар мен жас жұбайлардың алдында ән айту үшін сахнаға шыққан өнерпаз әуеннің ырғағына жете алмады. Видео авторы Биланның «бұдан да жақсы ән айта алатынын» атап өтті. Әнші қонақтармен дұрыс сөйлесе алмады.

Артынша өнер иесі Қазақстандағы тойлардың біріндегі қылығы үшін кешірім сұрады. Ол жанкүйерлерге мұның ұят болғанын түсіндірді. Әртістің айтуынша, той кезінде минералды су ішкен.

«Мен қатты шаршадым», – деді әнші.

Дима Билан өзінің мінез-құлқын түсіндіріп, Instagram-дағы аккаунтында Stories арқылы жанкүйерлеріне жүгінді.

Әншінің айтуынша, әр адам өмірінде бір рет болса да мас болады. Билан тойға шықпас бұрын үш күн ұйықтамағанын және қатты шаршағанын түсіндірді. Оның айтуынша, оның қазіргі көңіл-күйі ауыр жағдайда ауруханаға түскен әріптесі, әнші және композитор Александр Градскийдің өмірімен байланысты.

Билан бұл жаңалықты ауыр қабылдап, концерттен кейін көзіне жас алды.
«Мүмкін ертең мен өкінетін шығармын. Бұл маған ауыр тиді. Мен ұяламын, өте ұяламын және ертең де ұяламын», – деді ол.

Айта кетейік, Александр Градский бүгін ауруханада қайтыс болды.

2019 жылдың қыркүйегінде Биланның концертіне келушілер оны сахнадағы «орынсыз әрекеті» үшін сынға алды. Олар әртістің фонограммаға түспегенін, вокалдың орнына жат дыбыстар шығаратынын, әдепсіз қимылдар көрсеткенін айтты. Кейін Билан мас күйінде концерт бергенін мойындады.