Орал маңындағы орманнан әйелдің мәйіті табылды
Орал маңындағы орман алқабынан белгісіз әйелдің мәйіті табылды,-деп хабарлайды «Jambyl-Taraz » ақпарат агенттігі Stan.kz сайтына сілтеме жасап.
Батыс Қазақстан облысының полиция департаментінің баспасөз қызметі полиция марқұмның жеке басы мен өлім себебін анықтап жатқанын хабарлады.
«15 қыркүйекте түскі екі шамасында Ветелки ауылының жанындағы орман алқабынан әйелдің денесі табылды. Мәйіт марқұмның жеке басын және қайтыс болу себептерін анықтау үшін сот-медициналық сараптамаға жіберілді», – деп хабарлады полиция.
Аталған дерекке байланысты қылмыстық кодекстің 99-бабы (кісі өлтіру) бойынша сотқа дейінгі тергеу басталды.
Айта кетсек, Оралда үйден шығып, қайта оралмаған 21 жастағы қыз іздестіріліп жатыр.
Анастасияның анасы оның 13 қыркүйекте сағат 09:30-да үйден шығып кеткенін айтты. Ол өзімен бірге рюкзак және жеке куәлігі салынған борсетканы ала шыққан. Көп ұзамай келемін деп кеткен ол сол күйі оралмаған.
