Қалалық қоғамдық-саяси газет

ХҚКО қызметкерлері енді мемлекеттік қызметтерді қоғамдық орындарда көрсетеді

0 341

Таразда азаматтар мемлекеттік қызметтерді өз бетінше ала алатын 3 connection point ашылды. Өзіне-өзі қызмет көрсету аймақтары сауда орталықтары, базарлар сияқты қоғамдық орындарда орналасқан.

Айта кетер болсақ, connection point – азаматтарға электрондық үкімет порталы арқылы қызметтерді өз бетінше алуға көмектесетін аумақ болып табылады. Мұнда клиенттер электронды қолтаңба алу, тұрғылықты жері бойынша тіркелу, зейнетақы жинақтары туралы анықтама алу және т.б. сияқты танымал қызметтерге тапсырыс бере алады.

«Өткен жылы қазақстандықтар ХҚКО-дағы өзіне-өзі қызмет көрсету секторларында 15 миллионнан астам қызмет алған болатын. Біз ірі қалалар мен облыс орталықтарында connection point орнату арқылы жобаны ауқымды етуді ұйғардық. Біз сауда орталықтарын, базарларды, автовокзалдарды кездейсоқ таңдаған жоқпыз, ол жақтарда адам легі көп және азаматтарға мемлекеттік қызмет көрсету үшін біздің қызметкерлерге жүгіну ыңғайлы болады», – деді Мемлекеттік корпорацияның Басқарма Төрағасы Арман Кенжеғалиев.

Бүгінге дейін сауда орталықтары мен базарлардағы өзіне-өзі қызмет көрсету секторлары арқылы 430-дан астам қызмет көрсетілді. Қаңтар айындағы ең танымал қызметтердің бірі азаматтық хал актілері туралы мәліметтерді түзетуге өтініш беру болды. Азаматтар «Ұлттық қор – балаларға» бағдарламасына қатысу үшін балалар туралы мәліметтерді қосуға өтініш берген.

Мемлекеттік қызмет көрсетілетін сауда орталықтары мен базарлардың мекенжайларының тізбесі:

▪️Тараз қаласы, «MART» ССО Төле би даңғылы, №27
▪️Тараз қаласы, «Ауыл береке» базары, Мәмбет батыр көшесі, 2/17Б
▪️Тараз қаласы, «GRAND BAZAR» СО, Сыпатай батыр көшесі, 2.

Пікір қалдырыныз

Your email address will not be published.