Аулалардың абаттандырылуы – айрықша назарда

Тараз қаласының әкімі Бақытжан Орынбеков шаһардағы бірқатар нысандарды аралады. Әуелі қала әкімі «Салтанат» (4) ықшамауданы, №26 үйдің тұрғындарымен кездесті. Мұндағы халықты жаяу жүргіншілер жолын жаңалау мен ауланы асфальттау мәселесі көптен бері толғандырып келеді.

– Ауламыздағы асфальт жолы талай уақыттан бері жөндеу көрмеген. Соның салдарынан жауын-шашын күндері бұл маңға көлік түгілі, адамның қатынауы қиынға соғады. Тағы бір мәселе – жаяу жүргіншілер жолын жаңалау. Үйіміз мектептің дәл іргесінде орналасқандықтан, көлік көп қатынайды. Осыған орай, әуелі балалардың қауіпсіздігіне алаңдаймыз. Сондықтан аталған екі мәселені шешіп беруіңізді сұрай- мыз, – деді тұрғындар.
Шаһар басшысы өз кезегінде аталған мәселелер назарға алынып, тиісті шешімдер қабылданатынын жеткізді.
Бұдан кейін қала әкімі аталған ықшамаудандағы №10 үйдің аула-сындағы абаттандыру жұмысымен танысты. Қазіргі таңда мұнда балалар ойын алаңшасы салынуда.
Келесі кезекте шаһар басшысы Ы.Дүкенұлы атындағы қалалық мәдениет үйінің жөндеу жұмыс-тарының барысын көзбен көрді. Барлық құрылыс жұмыстары өзінің қатаң бақылауында екенін баса айтқан қала әкімі жауапты сала басшыларына тиісті тапсырмалар жүктеді.

Құрбанәлі Шахабай