Тараз қаласы әкімінің орынбасары тағайындалды

Нұрсұлтан Арқабайұлы Исабеков Тараз қаласы әкімінің орынбасары болып тағайындалды.

Нұрсұлтан Исабеков 1990 жылы 24 сәуірде Жамбыл облысы Жамбыл ауданы Ащыбұлақ ауылында дүниеге келген.

2009 жылы Қазақ бас сәулет-құрылыс академиясының жанындағы Құрылыс және дизайн колледжінің «үйлер мен ғимараттарды салу және пайдалану» мамандығы және 2013 жылы Л.Б.Гончаров атындағы Қазақ автомобиль-жол академиясын «тасымалдауды, қозғалысты ұйымдастыру және көлікті пайдалану» мамандығы бойынша бітірген.

Еңбек жолы:
Алғашқы еңбек жолын 2011 жылы Жамбыл облысы, Тараз қаласында “ГАПП” ЖШС техник-жобалаушысы болып бастаған.
2012-2015 жылдары “Табыс- Жоба” ЖШС бас инженері;
2015-2021 жылдары Тараз қаласы әкімдігінің сәулет және қала құрылысы бөлімінің технигі, іс жүргізушісі;
2021-2023 жылдары Тараз қаласы әкімдігінің сәулет және қала құрылысы бөлімінің жоспарлау және қала аумағын соғу секторының бас маманы;
2023-2024 жылдары Тараз қаласы әкімдігінің құрылыс бөлімінің басшысы;
2024 жылдың 16 қазанынан бастап №374-ж/қ қала әкімінің өкімімен Тараз қаласы әкімінің орынбасары болып (коммуналдық шаруашылық, көгалдандыру, көлік, тұрғын үй қатынастары, жер қатынастары, құрылыс, сәулет және қала құрылысы сұрақтары бойынша) тағайындалды.