Жасөспірім және қоғам: еркін пікір алмасу алаңы

Ш. Уәлиханов атындағы Жамбыл облыстық әмбебап ғылыми кітапхананың заманауи Бродкастинг залында жастардың басын қосқан ерекше форматтағы кездесу өтті.
Шара барысында жасөспірімдердің психологиялық ерекшеліктері, әлеуметтік ортаға бейімделуі және тұлғалық даралығын сақтау мәселелері кеңінен талқыланды.
Кездесудің құрметті қонағы, Тараз қалалық Жастар ресурстық орталығының маманы Еркебұлан Қасымбекұлы жастарға арналған әлеуметтік жобаларды жүзеге асыру жолдары мен мемлекеттік қолдау бағдарламалары туралы нақты ақпарат берді.
Ал «Сенімен Болашақ» РҚБ өкілі Жақыпбай Ақерке Асқарқызы жас ұрпақ тәрбиесі, отбасылық құндылықтар және рухани даму тақырыптарында маңызды ойларымен бөлісті.
Сонымен қатар, Тараз политехникалық колледжінің кітапханашысы Сейдашева Рабиға Джексенқызы мен психолог Ақмаржан Алтынханқызы жасөспірімдердің эмоционалдық интеллектісі, өзін-өзі тануы және күйзеліске төзімділігі жөнінде кәсіби кеңестер ұсынды.
Кездесу жастар үшін еркін пікір алмасуға мүмкіндік беретін, тағылымы мол алаңға айналды.