Қалалық қоғамдық-саяси газет

Жергілікті тауар өндірушілерге жан-жақты қолдау көрсетілуі тиіс

0 346

Тараз қаласының әкімі Бақытжан Орынбеков «Energy-Тараз» ЖШС өндіруші-сервистік кәсіпорнына барды. Сапар барысында қала әкімі кәсіпорынның өндірістік бөлігін аралап, заманауи энергия үнемдейтін шам өнімдері, электр-техникалық жабдықтар мен түрлі металл құрылымдары бұйымдарының өндірілу барысын көрді. Шаһар басшысын өндіріс орнының тыныс-тіршілігімен серіктестіктің құрылтайшысы Нұрсұлтан Темірхан таныстырды.

2011 жылы ашылған зауыт жоғарыда аталған бұйымдарды шығару және жеткізуден бөлек, кең көлемдегі электр монтаждау жұмыстарын да атқарады. Сондай-ақ трансформатор станцияларының толық құрал-жабдықтарын және көше, саябақ, өндіріс ошақтары мен кеңсені жарықтандыруға арналған жоғары сапалы жарықдиодты шамдардың жүздеген түрін шығарады. Бұдан бөлек, кәсіпорын спорттық құралдар, балалар ойын алаңдары мен аула орындықтарын және көше, жиекжол, саябақтағы көше шамдарына арналған металдан жасалған сәулет бұйымдарын жасайды.
– Бүгінде кәсіпорындағы қазақстандық қамту үлесі 70-80 пайызға дейін жеткізілді. Қазіргі уақытта «Energy-Тараз» брендімен шығатын тауарларды таныту мақсатында ішкі нарықтан бөлек, жақын шет елдер мен Еуропаның бірқатар мемлекетімен байланыс орнатылған. Мұндағы жұмысшылардың үштен бірін мүмкіндігі шектеулі жандар құрайды. Саладағы табысты жұмысы үшін өндіріс орны «Қазақстанның үздік тауары» сыйлығын да иеленген, – деді компанияның бас директоры.
Кәсіпорынның кең көлемді қызметімен танысып шыққан Бақытжан Әмірбекұлы жергілікті тауар өндірушіге жан-жақты қолдау көрсету мақсатында бірлесе жұмыс істеуге шақырды.

Пікір қалдырыныз

Your email address will not be published.