Таразда «Халық заңгері» республикалық акциясы өтті
Халықтың құқықтық сауаттылығын арттыру мақсатында Жамбыл облысының Сыбайлас жемқорлыққа қарсы қызметі zakon.kz интернет-басылымымен, “Параграф” ақпараттық жүйесімен бірлесіп Тараз қаласында тегін заңгерлік көмек көрсету мақсатында «Халық заңгері» акциясын ұйымдастырды.
Іс-шара 2 сағаттан астам уақытқа созылды. Осы уақыт ішінде мамандар 150-ден астам азаматқа кеңес беріп үлгерді.
Акцияға облыстың кәсіби заңгерлері мен адвокаттары, сондай-ақ мемлекеттік және құқық қорғау органдарының өкілдері қолдау көрсетті.
«MART» сауда орталығының алаңында сағат 16:00-18:00 аралығында азаматтар сан алуан мәселелерімен жүгінді. Сарапшылар неке-отбасы, мұрагерлік, тұрғын үй, қылмыстық, еңбек, азаматтық құқық, сот шешімдерін орындау, денсаулыққа келтірілген зиянды өтеу, әкімшілік құқық бұзушылық және тағы басқа салаларға қатысты көптеген сұрақтарға жауап берді.
Ең күрделі міндеттер прокуратура, сондай-ақ сыбайлас жемқорлыққа қарсы қызмет басшыларына жүктеліп, олардың жеке бақылауына алынды.
«Жобаның мақсаты – халықтың құқықтық сауаттылығын арттыру, заң нормаларын дұрыс түсіну және жалпы олардың біркелкі қолданылуы үшін құқық қолдануды түсіндіру. Ол үшін жүгінген кез келген өтініш беруші, заңгер-сарапшылар толыққанды құқықтық көмек көрсетеді. Бұл акцияның негізгі миссиясы осы», – деді Сыбайлас жемқорлыққа қарсы іс-қимыл агентігінің Жамбыл облысы бойынша Департаментінің Превенция басқармасының басшысы Дәурен Омаров.
«Мұндай шаралар, әсіресе ақылы білікті кеңес алуға мүмкіндігі жоқ адамдар үшін өте қажет. Бұл акцияға бірінші рет қатысуым. Мен үшін мұндай іс-шараларға қатысу, ең алдымен, адамдарға көмектесу мүмкіндігі, ал іс жүзінде біз өз білімімізді жетілдіреміз. 2 сағаттың ішінде маған заңгерлік кеңес алу үшін 16 азамат жүгінді», – дейді азаматтық құқық саласының сарапшысы Нұрила Әмірова.
«Мен бұл шара туралы көршімнің арқасында білдім, ол маған заңгерлік кеңес қажет екенін білді. Менің сұрағым отбасы құқығы туралы. Ресми түрде еш жерде жұмыс істемейтін, ұсталмайтын бұрынғы жұбайым үш жылдан астам уақыт бойы алимент төлей алмай жүрмін. Сот шешімі бар, бірақ оны тәртіп сақшылары тұрғылықты жерінен таба алмай жүр. Мен прокурор Ақберген Мүлкемановқа жүгіндім, ол менің сұрағымды бақылауға алуға уәде берді.
Ал акцияға келгендердің бірі Билялова денсаулық сақтау басқармасы басшылығының атына алғыс хат қалдырды.
