Қалалық қоғамдық-саяси газет

Шаһардың жоспарлау жобаларына түзетулер енгізілуде

0 278

Қала – қоғамның мәдени символы. Оның жақсы ұйымдастырылуы бұл символды көрнекі түрде есте қаларлық және мәнерлі етеді. Сондықтан қаланың сәулеттік келбеті, барлық нақты, қол жетімді формасы жайлы қалалық ортаны құруға бағытталуы керек. Елді мекеннің жекелеген бөліктеріне егжей-тегжейлі жоспарлау жобасы аумақты ұтымды пайдалану және оған құрылыс нысандарын дұрыс орналастыру үшін әзірленеді .

«Қазақстан Республикасындағы сәулет, қала құрылысы және құрылыс қызметі туралы» ҚР Заңының 47-бабына сәйкес елді мекендердің аумақтарын дамыту және салу белгіленген тәртіппен бекітілген бас жоспарлар негізінде жүзеге асырылады, ҚР Жер кодексінің 109-бабымен қалалардың, кенттердің, ауылдық елді мекендердің барлық жерлері олардың бас жоспарларына, егжей-тегжейлі жобаларына жоспарлау және құрылыс салу (осы жобалар болған кезде) және аумақтың жер-шаруашылық құрылысы жобаларына сәйкес пайдаланылады.
Қалалық орта оны пайдаланудың ұзақ мерзімді перспективасы негізінде жетілдірілуде. Осы мақсатта жаңа функционалды аймақтар пайда болады, көшелер кеңейеді. Жобаны әзірлеу шеңберінде жергілікті тұрғындардың туристік маршруттары мен қозғалыс желілері ескеріледі. Жаңа нысандарды салу үшін инженерлік жүктемелердің, техникалық-экономикалық көрсеткіштердің есептеулері жүргізіледі.
Жобаның құрылуына жақын жерде қалыптасқан қоғамдық кеңістік әсер етеді. Жаңа нысандар қалалық ортаға үйлесімді түрде сәйкес келуі керек, бірақ сонымен бірге бірегейлікті көрсетіп, таң қалдырып, жағымды эмоциялар беруі керек. Сонымен, іскерлік аудандарды жоспарлау кезінде іргелес аумақтар эстетикалық түрде безендірліп, ыңғайлы кіреберістер қамтамасыз етілуі керек. Бизнес орталықтар мен тұрғын үйлер арасында қатты қарама-қайшылық болмауы керек.
Егжей-тегжейлі жоспарлау жобасының міндеті – қолайлы әлеуметтік климат құру. Бұл аумақты одан әрі дамытуға, инвестициялар тартуға, туристік әлеуетті ашуға ықпал етеді.
ПДП негізінде жер телімінің құрылыс жобаларының бірнеше нұсқалары жасалады. Бұл құжаттама белгілі бір аймақтың бас жоспарына сәйкес жасалады.
Егжей-тегжейлі жоспар төмендегіні анықтайды:
– құрылымның функционалдық мақсаты
– құрылыс нормаларының талаптарына сәйкес аумақтарды бөлу;
– халыққа қызмет көрсету кәсіпорындарына қажеттілік;
– жергілікті жерді инженерлік даярлау көлемі;
– коммуналдық желілер жүйесі.
Егжей-тегжейлі жоспарлау жобаларына белгіленген талаптармен өзгерістер енгізілуі мүмкін. Ең бастысы барлық түзетулер Бас жоспардың талаптарына сай болуы керек.
Қала құрылысы құжаттамасы құрылыс салушы ретінде әрекет ететін жеке субъектіге қоғамдық мүдделерді ескере отырып, қолданыстағы заңнамалар мен құрылыс нормаларын сақтай отырып, жылжымайтын мүлікті дамыту құқығын қамтамасыз етуге тиіс.
Ағымдағы жылы Тараз қаласы әкімдігінің қаулысымен түзетулер енгізіліп, бекітілді. Бұл егжей тегжейлі жоспарлаудың 4 жобасы:
– «Әулие ата» шағынауданының ПДП;
– «Ұлы дала» шағынауданының ПДП;
– Төле би, Абай, Жамбыл даңғылдарының және Тәуке хан, Қазыбек би, Әйтеке би, Д.Қонаев көшелерінің ЖЖЕ.
– А.Асқаров көшесінің соңындағы тұрғын алабының ЖЖЕ.
Қазіргі уақытта «Қаланың орталық бөлігі» мен «Астана» жобалық атауы бар ауданның егжей-тегжейлі жоспарлау жобасына түзетулер енгізу бойынша жұмыстар жүргізілуде. Алдағы уақытта бұл жұмыстар бойынша қоғамдық тыңдаулар өткізіледі, өтетін күні мен орны әлеуметтік жүйелер және бұқаралық ақпарат құралдары арқылы жарияланады.
«Астана» ауданның шекаралары Төле би даңғылымен, Байзақ батыр көшесімен, Байзақ батыр 3-ші тұйық көшесімен, Балуан Шолақ, Айша бибі, «Бәйтерек» шағынауданымен, Тәуке хан көшесімен шектеледі.
Қала құрылысы құжаттамасы құрылыс салушы ретінде әрекет ететін жеке субъектіге қоғамдық мүдделерді ескере отырып, қолданыстағы заңнамалар мен құрылыс нормаларын сақтай отырып, жылжымайтын мүлікті дамыту құқығын қамтамасыз етуге тиіс.
Осыған байланысты «Қаланың орталық бөлігі» мен«Астана» жобалық ауданының аумағында қандай да бір нысанды салуға ниет білдірген жер учаскелерінің иелері аумақты функционалдық аймақтарына, қолданыстағы құрылыс нормалары мен қағидаларына сәйкес болған кезде жоспарланған нысандарды түзетулер жұмыстары жүргізіліп отырған жобадағы егжей-тегжейлі жоспарлау жобасына енгізу үшін Тараз қаласы әкімдігінің сәулет және қала құрылысы бөліміне жүгіне алады.

Арман Абдешов,
Тараз қаласы әкімдігі сәулет және
қала құрылысы бөлімінің басшысы

Пікір қалдырыныз

Your email address will not be published.