Ресейде хоккейші матч кезінде мерт болды

Қырымдық «Сарматтар» хоккей клубының ойыншысы Лаександр Фролов Түнгі хоккей лигасы аясында өткен матчта көз жұмды. Бұл туралы клубтың ресми сайтында жарияланды, деп хабарлайды “Jambyl-Tara” ақпарат агенттігі Stan.kz сайтына сілтеме жасап.

Қайғылы оқиға 11 желтоқсан күні «Қырым қасқырлары» клубына қарсы матчта болған. Алайда толық деректер тек 14 желтоқсанда жарияланды. 63 жастағы спортшы қосалқы ойыншылар орындығында отырғанда жағдайы нашарлап, есінен танып қалған.

Аренада кезекшілік еткен дәрігерлер тобы алғашқы көмек көрсеткен. Алайда ол ауруханаға жетпей көз жұмды. Алдын ала дерек бойынша ойыншының жүрегі тоқтап қалған.

11 желтоқсанда «Кеңестер қанаты» футбол клубының жанкүйері Ресей Премьер-лигасының 18-туры аясында өткен матчта көз жұмған болатын. Жанкүйерге алғашқы медициналық көмек көрсетілген, алайда аман сақтап қалу мүмкін болмаған.