Қош келдің, әз Наурыз!
Ақ түйенің қарны жарылып, Самарқанның көк тасы еритін әз Наурыз мерекесі «Наурызнама» онкүндігі аясында ерекше тойлануда. Әр күнге атау беріліп, көкжиегі кеңейген Ұлыстың ұлы күнін тараздықтар да айрықша қарсы алуда.
Айталық, бүгін №6 аумақтық округте «Қош келдің, әз Наурыз» атты мерекелік іс-шара өтті.
Көңілді думан барысында №12 және №8 оқу ордаларының өнерпаздары «Қыз бала гүл», « Қазағым-ай», «Наурыз», «Бипыл», «Ассалаумағалейкум», «Туған елім» сынды әсем әндерді әуелетіп, мың бұрала би биледі.
