Оңтүстік Африкадағы түнгі клубта 22 адам қайтыс болды

Оңтүстік Африка билігі Үнді мұхитының жағасында орналасқан Шығыс Лондон қаласындағы түнгі клубта мәйіті табылған 22 адам өлімінің себебін анықтауға кірісті деп хабарлады turkystan.kz BBC News-ке сілтеме жасап.

Франс пресс хабарлағандай, қаза тапқандардың денесінен зорлық-зомбылықтың ешқандай ізі табылмаған. Агенттіктің мәліметінше, олардың жасы 18-ден 20 жасқа дейін, ал кейбіреулері тіпті 15 жаста екені белгілі болды.

Табылған марқұмдардың денелері токсикологиялық сараптама жүргізу үшін мәйітханаларға жеткізілді, сол арқылы билік клубқа келушілердің неден қайтыс болғанын анықтайды.

Жергілікті шенеуніктің айтуынша, осы түні клубта оқу жылының аяқталуы мен емтихан тапсыруды атап өткен көптеген орта мектеп оқушылары болған.

Үкімет басшысы Оскар Мабуяне қайғылы жағдайдың себептерін әлі белгісіз екенін, дегенмен алкогольді шексіз тұтынудың салдары болуы мүмкін екенін айтты.

Жергілікті билік өкілі қайғылы жағдайға уланудың себеп болмағанын да алға тартты.