Әнуар Жанғозин «Болашақ» халықаралық бағдарламалар орталығының басшысы болды

Әнуар Жанғозин «Болашақ» Халықаралық бағдарламалар орталығының басқарма төрағасы болып тағайындалды. Бұл туралы Білім және ғылым министрлігі хабарлады, – деп хабарлайды «Jambyl-Taraz» ақпарат агенттігі Tengrinews.kz сайтына сілтеме жасап.

Әнуар Жанғозин 1986 жылы дүниеге келген. Ломоносов атындағы Мәскеу мемлекеттік университетін «Математика» мамандығы бойынша және Назарбаев университетінің магистратурасын «Білім беруді басқару» мамандығы бойынша бітірген.

2011 жылдан 2016 жылға дейін Назарбаев Зияткерлік мектебінде математика пәнінің мұғалімі, директор болып жұмыс істеген.

2017-2019 жылдары Нұр-Сұлтанда Білім басқармасының басшысы болған.