Мектепте намаз оқыған оқушыларға қатысты тексеріс басталды
Заң бойынша оқу орындарында бұлайша діни рәсім жасауға тыйым салынған
Әлеуметтік желіде оқушылардың мектепте намаз оқыған видеосы тараған еді. Оқу-ағарту министрлігі осы жайтқа қатысты тексерісті бастап кетті.
Қазір тарап жатқан бейнежазбадан бір топ баланың сәждеге жығылып жатқанын байқауға болады. Олардың артқы жағында мектеп партасы көрінеді. Спорттық киім киген бозбалалардың қай өңірдің, қай мектептің шәкірттері екені әзірге белгісіз. Ал заң бойынша оқу орындарында бұлайша діни рәсім жасауға тыйым салынған.
Енді Оқу-ағарту министрлігі сабақ барысында құлшылық жасауға рұқсат берген білім ошағын анықтап, шара қолданбақ.
