«Ит бар жерде періште жүрмейді»: Айсәуле Бақытбек итінен жиіркенген оқырманына жауап берді
Баян Мақсатқызының қызы Айсәуле Бақытбек өзіне сын айтқан оқырманға жауап берді. Біреудің сынына бола отбасы мүшелерімнен бас тартпаймын дейді ол,-деп хабарлайды «Jambyl-Taraz» ақпарат агенттігі Stan.kz сайтына сілтеме жасап.
Айсәуле Бақытбекке оқырманның бірі пікір жазды.
“Үй ішінде ит асырауға болмайды. Періштелер кірмейді. Мұсылмандар ит асырамайды үйде”, – деп сын айтты.
Ашуға булыққан Айсәуле оқырманға жауап берді.
“Бір білімсіз біреу маған айтты екен деп мен отбасы мүшемнен айырылуым керек пе? Оны қуып жіберуім керек пе? Ит ұнамаса асырамаңыздар. Мен сіздерді қинап жатқан жоқпын. Менің сіздердің үйлеріңізде не болып жатқаны қызықтырмайды. Ал сіздердің менің үйімде, итімде, үйімнің ішіндегі періштелерде, үйдің тазалығында, баламда, менің дінімде не шаруаларыңыз бар? Мұсылмандарға ит асырауға болмайды, бірақ біреудің ісіне араласуға бола ма сонда? Сіздердің бастарыңыз дұрыс жұмыс істей ме өзі?”, – деп жазды актриса.
“Біреудің өміріне араласу дұрыс емес, әркім өзі қалағанын істей берсін”, “Менің де оқығаным бар, ит жүрген жерде періште жүрмейді дегенді”, “Бұлар орыстанып кеткен, сондықтан оны түсінбейді”, “Қазір қазақтар да асырайды”, “Ит жеті қазынаның бірі емес пе?”, “Итті іште емес, сыртта асырайды”, “Мен итпен бірге тұрудан жиіркенер едім”, “Біз де ит асыраймыз”, – деді желі қолданушылары.
