«Білгісі келіп жүрген адамдар көп». «Келінжан» арқылы танылған актриса жеке өмірі туралы айтты
Танымал актриса Нұргүл Мыңғатова «Жұлдызды шаңырақта» бағдарламасында жеке өмірі туралы айтты, – деп хабарлайды Massaget.kz тілшісі.
Өнер иесі жеке өмірін құпия ұстағанды жөн көретінін жеткізді.
«Жеке өмірім шүкір, жақсы. Жариялағым келмейді. Өйткені ол менің жеке өмірім. Бірнәрсе болсын жеке болып қалуы керек. Білетін адамдар біледі ғой. Білгісі келіп жүрген адамдар да көп. Сұрайды. Мүмкін өзінің уақыты келер», – деді актриса.
Сонымен қатар, ұлы бар екенін айтты.
«Отыздан аса босандым. Бәрі күшті болды, еркелеп жүрдік. Бәрі жақсы өтті», – деді ол.
