Басты мақсат – халыққа қызмет

Тараз қаласының №4 аумақтық округінде ілкімді істер атқарылуда. Атап айтсақ, округтегі Стариков, Хмелеский, Строительный көшесінің 1-бұрылыстарында ағымдағы көше жарығы жұмыстары жүргізілуде. Сондай-ақ 3-Завод көшесінде жол жөндеу жұмыстары аяқталса, Шу, Бурный, Нұрпейісов көшелеріне шағал төселіп, асфальт салуға тас-түйін дайын тұр. Бұған қоса, Жауғаш батыр, М.Әуезов, Өтеген батыр, Рафинад көшелерінде шұңқырларды жөндеу жұмыстары да қарқын алуда.

Аумақтық округте қоғамдық жұмысшылар көмегімен күнделікті тазалық жұмыстары жүргізіліп, мамыр айының өзінде 30 тоннаға жуық күл-қоқыс арнайы техникамен шығарылды. Қала әкімінің тұрғындармен кездесуінде көтерілген бірқатар мәселелер де өз шешімін табуда. Мәселен, «Базарбай» каналының үстінде орналасқан Хмелевский көшесінің бойындағы бірқатар көпірлердің жақтауы қалпына келтірілді.
Округ тұрғындары мерекелік іс-шаралардан тыс қалмай, белсене атсалысуда. Мұның барлығы – округтегі жүйелі жұмыстардың нәтижесі.

Нұржан Жұмағұлов,
Тараз қаласы әкімінің бас инспекторы