АҚШ тарихындағы ең жойқын құйын: Құрбандар саны 100-ден асуы мүмкін

АҚШ-тың Кентукки штатының құйыннан зардап шеккен губернаторының айтуынша, зардап шеккендердің саны 100-ден асуы мүмкін, деп хабарлайды “Jambyl-Taraz” ақпарат агенттігі Stan.kzсайтына сілтеме жасап.

Иллинойс, Миссури, Арканзас, Кентукки және Теннесси сияқты бірнеше штатта табиғи апат салдарынан 80 адам қайтыс болды, зардап шеккендер саны өсуде.

Апат Кентукки штатына қатты әсер етті, онда шам шығаратын зауыт қирағаннан кейін ондаған адам жоғалып кеткен.

“Біз қазір ең қиын сағаттарды бастан өткеріп жатырмыз. Апат өте қорқынышты, бұл мемлекет тарихындағы ең жойқын, өмірге қауіпі бар құйын… Менің ойымша, біз 100-ден астам адамды жоғалттық. Бұл көрсеткіш айтарлықтай өсуі мүмкін”, – деді Кентукки штатының губернаторы Энди Бешир.

Кентукки, Иллинойс, Арканзас, Миссури, Миссисипи және Теннесси штаттарында 30-ға жуық құйын болды. Салдарынан 80-нен астам америкалықтың өліміне әкелді. 250 мыңға жуық адам электр жарығынсыз қалды.

АҚШ президенті Джо Байден бұл ел тарихындағы ең үлкен құйын оқиғаларының бірі екенін айтты.